-- ADVERTISEMENT --
Ginpaathag it sangka eskperto nga mabahoe ro impluwensya it environment sa pag-inugali it tagsa ka indibidwal.
Raya hay kasunod it nag-eontad nga shooting incident sa magkaibang eskwelahan kon sa siin ro imbolbado hay mga estudyante.
Suno kay Dr. Romeo Lorenzo, sangka mental health professional, kon positibo ro palibot it sangka onga partikular sa sueod it andang panimaeay hay positibo ag maayos man ro approach kara sa guwa.
Dugang pa ni Dr. Lorenzo, mabahoe ro papel it ginikanan sa pagdisiplina sa mga inonga maskin anu pa kasakuon ro mga raya ag nagadugang eamang ro mga manugturo agud nga may matun-an it husto.
Nasayuran nga pilang estudyante ro binawian it hueam nga kinabuhi ag ginka-trauma it iba pa bangud sa nasambit nga insidente.
-- ADVERTISEMENT --
