Nagpasaka ro Office of the Ombudsman it malversation complaint kontra kay dating Ako Bicol Party-list Rep. Zaldy Co ag pilang opisyal it Department of Public Works and Highways (DPWH) angot it gina-alegar nga P77-milyong ghost flood control project sa Balagtas, Bulacan.
Suno sa Ombudsman, gindeklarang 100% kumpleto ro proyekto ku Mayo 2, 2025, apang kat inspeksyunin hay uwa raya it aktuwal nga konstruksyon.
Samtang, uwa gin-eakip sa kaso si Henry Alcantara matapos imaw mapasaidaeom sa witness protection program.
Nasayuran man it Ombudsman nga pauman-uman sigon nga gin-aprubahan ro mga bayad sa contractor nga SYMS Construction Trading apisar may mga iregularidad sa mga dokumento it proyekto.
Ginhambae it Ombudsman nga may bastante nga basehan para kasuhan ro mga imbolbado sa malversation of public funds through falsification of public documents bangud sa kapaseawan sigon nanda nga siguraduhon nga minatuod ag nakumpleto ro proyekto.
Samtang, ginbasura man bangud sa kawad-an it probable cause ro reklamo kontra kanday Co, Alcantara, Estrada ag Tecsay angot it pageabag sa Anti-Graft and Corrupt Practices Act.
