Nagpaguwa eon it padumdom ro Department of Health (DOH) angot sa mga posibleng peligro sa ikamayad nga eawas tuga it pagpanaeasa it “Super El Niño” sa mabahoe nga parte it nasyon.
Suno sa Centers for Disease Control and Prevention (CDC), ro heat exhaustion ro natural nga sabat it eawas sa grabeng pagka-ubos it tubig ag asin.
Dugang pa it DOH, ro mga ordinaryong sintomas it heat exhaustion hay ro pagpanghina ag sobrang pagkagaoy; pamatyagan nga malipong; heat cramps; pagsuka-suka ag grabe hueasan.
Samtang, ro heat stroke hay makabig nga “severe form” it sakit nga nababatyagan sa kada tag-init bangud sa nagatuga raya it pag-‘overheat’ it eawas bangud sa kakueangan it paghueas.
Ro mga indibidwal nga nagapameligro nga makaangkon kara hay ro senior citizens, mga ongang una sa edad ap-at panaba, mga trabahador nga nagatrabaho sa guwa, mga may ginabatyag nga mental illnesses, may kondisyon it obesity, ag manginginom it aeak.
Padumdom pa it ahensya, para maprotektahan ro kaugalingon halin sa heat exhaustion ag heat stroke, mas mayad magsuksok it light-colored, manipis, ukon preskong mga eambong; mag-inom it 8 hasta 10 baso it tubi adlaw-adlaw; ag limitahan ro mabug-at nga aktibidad sa oras it nagasingkae ro init it adlaw.
