Umabot eon sa masobra P5.5 bilyon ro kabilugang haega it halit sa sector it agrikultura sa nagkaeain-eain nga parte it nasyon bangud sa padayon nga epekto it grabeng El Niño.
Base sa ulihing datos halin sa National Disaster Risk Reduction and Management Council (NDRRMC), umabot eon sa 201,322 nga mga mangunguma ag mangingisda ro direktang naapektuhan ag nawad-an it nagapangunang pangabuhian bangud sa tigmaea-ea.
Angot kara, padayon nga nagapaabot it bulig ro nagkaeain-eain nga ahensya it gobyerno ag lokal nga gobyerno agud maipanupod ro mga ayuda ag alternatibong pangabuhian sa mga pamilyang eubus nga naapektuhan it kalamidad.
Ginasaligan man ro mas ginpabaskog nga monitoring sa mga lugar nga padayong nakakaeksperyensya it kakueangan sa tubi agud malikawan ro mas mabahoe nga pagkalugi sa mga masunod nga ani.
