Gindayaw it Armed Forces of the Philippines (AFP) ro Atin Ito Coalition matapos madinaeag-on nga naabot ro Pag-asa Island ag gin-alsa ag ginbutang ro bandera it Pilipinas sa Sandy Cay sa West Philippine Sea ko weekend.
Suno kay AFP spokesperson for WPS Rear Admiral Roy Vincent Trinidad, raya hay pamatuod it mabakod nga espiritu it mga Pilipino ag klaru nga pag-angkon sa sovereign rights it nasyon.
Ginpahayag pa it AFP nga ro matawhay nga presensya it grupo sa WPS hay nagapabaskog sa boses it mga mangingisda ag komunidad nga nagasalig sa lugar bilang andang pangabuhian.
Nagpanindugan ro AFP sa suporta kara sa matawhay ag rules-based nga mga tikang nga sandig sa 2016 Arbitral Award.
Ro ika-ap-at nga Atin Ito mission hay naggamit it M/V Felix Oca ag magahatud it pagkaon, fuel, medical outreach, ag community concert hasta hin-aga nga adlaw it Martes, Mayo 5.
