-- ADVERTISEMENT --
May sangkiri nga pagbawas sa surcharge it airline tickets sa Pilipinas umpisa Agosto 16 hasta 31 bangud sa pagnaba it presyo it jet fuel sa world market.
Suno sa Civil Aeronautics Board (CAB) halin sa Level 13 maganaba sa Level 12 ro jet fuel surcharge.
Para sa domestic flights, ro mga eroplano hay posibleng magsukot it dugang nga P389 hasta P1,137, mas manaba sa nagtaliwan nga P423 hasta P1,237.
Para sa internasyonal nga mga biyahe, ro surcharge hay pagabawasan it P1,284.40 hasta P9,550.13.
Ro average nga presyo it jet fuel nagnaba sa $146.93 kada bariles ko Agosto 7, halin sa $158.77 ko katapusan nga domingo it Hulyo.
-- ADVERTISEMENT --
Padayon nga gina-review it CAB ro fuel surcharge kada 15 diyas agud mas madasig raya nga ma-adjust suno sa presyo it jet fuel.
