-- ADVERTISEMENT --
KALIBO, Aklan — Nagapabilin nga red tide free ro probinsiya it Aklan .
Raya ro ginkumpirma ni Rico Magno, Aquaculturists II it BFAR-Aklan base sa andang pinaka-ulihing bulletin .
-- ADVERTISEMENT --
Ko unang domingo sigon it Abril hay nagpatigayon it inspection ro BFAR central office sa mga shellfish nga nakolekta sa mga baybayon nga sakop it Batan, Altavas ag New Washington .
Nasayuran nga nakahiligan it mga turista, mapa-lokal man ukon dumueuong nga magkaon it mga pasayan , taeaba, pusit ag mga isda nga kaeabanan nga nagahalin sa nasambit nga banwa .
Sa makaron suno kana hay may na-monitor eon nga red tide sa pilang baybayon it Luzon ag Mindanao.
