KALIBO, AKLAN – – – Sueod sa top 7 ro pambato it Aklan nga si Jona Sweett sa ginhiwat nga Swimwear ag Beach Beauty Challenge it Miss World Philippines sa isla it Boracay.
Naging hugot ro kompetisyon it 35 nga kandidata nga rumampa suksok ro andang swimsuit nga sinundan it beach attire.
Aminado si Sweett nga kabado imaw sa swimwear competition bangud sa nagatan-aw ro anang mga kasimanwa kun siin nakabatyag imaw it pressure.
Apang, masadya sigon imaw bangud sa nakasueod sa Top 7.
Nagbunga sigon ro gin himo kara nga maidid nga pagdiyeta nga prutas eamang ro gina kaon agud maeagas ro figure it ibang kandidata kamana man it dibdiban nga training sa gym.
Mag eowas kay Sweet, nakasueod man sa Top 7 sanday candidate Cynthia Thomalla, Zara Carbonell, Teresita Ssen Marquez, Jeanyfer Ozbot, Shiela Reyes, ag Janela Cuaton.
Determinado man ro Aklanon beauty nga masungkit ro korona bilang Ms. World Philippines kun siin adbokasiya kara nga makabulig sa komunidad, pamatan-un ag sa mga magueang nga inabandona it andang pamilya.
Sa makaron hay gina hingalitan pa it mga kandidata ro pagpabilin sa Boracay agud pahauman ro naga hilapit nga adlaw it kompetisyon.
Suno pa kay Sweett nga todo eon ro gina himong preparasyon it mga kandidata sa nakataeanang Coronation Night it Miss World Philippines nga pagahiwaton sa September 3 sa Mall of Asia MOA Arena.
