Malipayon nga ginpakigbahin ni Zandro Fred Jizmundo Jr. ro anang mga ginhimo nga preparasyon bago ag matapos imaw magdaog sa sangka international tournament sa Pencak Silat.
Ro nasambit nga tournament hay ro 7th Asian Pencak Silat Championship and 1st Middle East Open Pencak Silat Championship on 9th to 12th November 2023 sa Rashid Bin Hamdan Hall, Al Nasr Club, Oud Metha, Dubai.
Hakuhit ni Jizmundo ro silver medal sa Regu Mens Senior Category.
Pagsaysay man nana nga nagasuporta man ro anang eskwelahan ag ginaintindi imaw sa anang mga schedules, may incentives man sigon sanda nga nababaton para sa mga panggastos nanda sa tunga it kompetisyon.
Pagsugid ni Jizmundo nga may 18 ka mga nasyon ro nagpartisipar sa nasambit nga kompetisyon.
Kabaskugon it buot ag practice sigon ro panguna nga naging strategy ni Jizmundo imaw nga hasungkit nana ro silver medal.
May una man nga eain-eain nga category ro Pencak Silat para sa solo ag doubles.
Pagsugid nana nga naengganyo malang man imaw ku anang kakilaea nga si Freddie Jizmundo Jr..
Uwa eun man gina-isip ni Jizmundo nga magpundo ukon maggive up.
Nagpasaemat man imaw sa tanan nga nagatao kanda it dungog ag nalipay imaw nga nakakabulig man kana magtipon ro anang karera nga ginpili.
Pagpalig-on man nana sa ibang atleta nga maghugod ag itao ro 100% sa training agud mas madasig nga mag-eapit sa kadaeagan.
Sa makaron hay nagatraining eun sigon sanda para sa paeaabuton nag hampang sa Disyembre.
