-- ADVERTISEMENT --
KALIBO, Aklan — Nakaangkon it bueawan nga medalya sa Paralympic Games swimming competition ro Aklanon orthopedically handicapped swimmer nga si Chiara Quinicio Regino sa nagapadayun nga Palarong Pambansa 2019.
Ro 19-anyos nga si Regino nga tubong Malinao, Aklan nga owa it mga siki hay nagpanguna sa 50 meters back stroke event nga ginpatigayon sa UP Sports Complex Aquatic Center sa Mintal, Davao, City.
Nasayuran nga antes nga nagbiyahe paagto sa Davao si Chiara hay nagpatigayon it fundraising campaign para sa anang mga kinahangeanon nga pinansiyal sa pagsabak sa nasambit nga sporting event.
Samtang, maabu man ro nagdayaw sa ina ni Chiara nga si Mrs. Helen Regino nga matiyaga nga nagahakwat sa anang unga.
