Away sa politika ro nakikita it mga otoridad nga motibo sa pagtambang sa sangka alkalde kaina it truadlaw sa Maguindanao.
Suno kay Maguindanao Police Provincial Director Colonel Jibin Boncayao, ginpaeokpan it mga uwa makilaeang armadong kaeaeakin-an ro saeakyan ni Mangudadatu Maguindanao Mayor Bai Kule Mangudadatu Tayuan.
Maswerte nga uwa tinamaan si Mayor Tayuan kon siin madasig man nga nagpaeagyo ro mga suspek kat magresponde ro mga pulis ag soldado.
Si Mayor Tayuan hay nagapadaeagan nga bise alkalde it banwa it Mangudadatu sa Maguindanao.
Ginaturo nga suspek it alkalde ro mga armadong tawuhan it anang kaengkwentro.
Sa makaron hay nagapadayon ro imbestigasyon it pulisya sa pagtambang kay Mayor Bai Kule Tayuan.
Mag-eowas kay Mayor Tayuan, nauna eon nga ginbulgar ni dating Buluan Mayor Jhong Mangudadatu nga ginpaueanan it bala ro baeay kara maeapit eamang sa eskwelahan.
Raya hay antes pa man ro pagbaril-patay sa tatlong miyembro it Barangay Peacekeeping Action Team sa Barangay Poblacion, Buluan, Maguindanao.
