POLICE Report — Patay ro sangka ama matapos nga eampusan it tubo it kaugalingon nga unga sa kasagsagan it mainitan nga diskusyon sa sueod it andang baeay sa Imus City.
Suno sa report, nakilaea ro biktima nga si Alfredo Blanco it Golden Villas Subd., Brgy. Carsadang Bago 2, Imus City, Cavite, nga namatay samtang ginabueong sa Ospital it Imus bangud sa naangkon nga nina sa ueo.
Insigidang nadakpan ro suspek ag unga it biktima nga si alyas Diego bangud sa pagpatay sa anang kaugalingon nga ama.
Nagapangatubang man sa kasong Obstruction of Justice si alyas Geofrielle nga gin-aresto kat ginhana nga baeabagan ro pagdakop sa suspek.
Suno sa himata it biktima, bandang alas-10:30 it agahon antes nga natabu ro insidente hay nakaangkon it mainitang diskusyon ro biktima ag suspek sa sueod it andang baeay sa Block 15 Lot 9 Golden Villas Subd., Brgy. Carsadang Bago 2, it nasambit nga siyudad.
Sa katung-anan it andang diskusyon, nagbo-oe it siyaw ro suspek ag ginbuno ro ama apang nakalikaw ag nakakita it sangka matig-a nga bagay ag gin-eampos sa ueo it anang ama nga nagresulta sa anang pagkatumba.
Gindaea ro biktima sa ospital apang namatay man samtang ginabueong. Natigayon mat’a nga maaresto ro suspek sa sangka follow-up operation nga nag-eskapo matapos mahimo ro krimen.
