KALIBO, AKLAN – – – Naugdaw ro sangka ancestral house sa Brgy. Bulwang, Numancia matapos ro nag-eontad nga sunog kaina it kaaganhon.
Totally burned ro nasambitang baeay nga ginapanag-iyahan ni Maze Mortalia, 83-anyos ag residente it nasambitang lugar.
Suno kay F01 Enrico Nam-ay it bureau of fire protection numancia, kapin sa 200,000pesos ro estimated damage it homan sa mix construction materials nga baeay.
Base sa andang inisyal nga imbestigasyon, naghalin sigon ro kaeayo sa kisami it baeay base eon man sa panugiron it anang onga nga si Dexter Mortalia matapos nga nakabati it nagabiniti nga posibleng naghalin sa linya it kuryente.
Ginpahayag dugang nga bangud sa kalumaan it istraktura butang nga madasig nga nag-eapta ro kaeayo.
Nasayuran nga ko dag-on 1972 pa ginpatindog ro nasambitang baeay ag ginrenovate eamang raya ko nagtaliwan nga mga dinag-on.
Sa makaron hay padayon nga gina-assess it BFP-numancia ro dugang nga kahalitan it nasambitang sunog matapos nga uwa it nasalbar nga mga kagamitan ro tag-iya it nasambitang panimaeay.
