Ginpahayag ni Commission on Elections (COMELEC) Chairman George Erwin Garcia nga ro Law Department it komisyon hay may ginaumpisahan eon nga polisiya para sa Anti-Discrimination sa maabot nga tyempo it kampanya.
Raya hay importante para makaangkon it padumdom sa mga kandidato para sa andang pagpangampanya nga inde mang-insulto it tawo base sa andang lebel it pagpangabuhi ag pati eon man mabastos it sin-o man.
Dugang pa nana nga ro nasambit nga polisiya hay para sa patas nga pagtan-aw sa tanan nga tawo sa maabot nga eleksyon.
Ginpakigbahin raya ni COMELEC Chairman George Erwin Garcia sa naging pagpirma it Memorandum of Agreement sa tunga it komisyon ag The Philippine Anti-Discrimination Alliance of Youth Leaders (PANTAY Inc.).
Samtang, ginhinyo it Comelec chief nga kunta mas maabo pang organisasyon, kaparehas it PANTAY Inc., nga makipagbuligan sa komisyon para sa nagkaeain-eain pang perspektibo ro nakikita para sa pagpahaom sa Eleksyon 2025.
