KALIBO, Aklan—Epektibo eon umpisa makaron adlaw it Lunes, Agosto 2 ro mandu it lokal nga gobyerno it Malay nga kinahangean nga magpaidaeum sa antigen test ro tanan nga mga trabahador nga magasueod sa isla it Boracay.
Raya hay base sa ginpaguwa nga Executive Order No. 031 ni Malay Mayor Frolibar Bautista kasunod it uman nga paglobo it kaso it coronavirus disease 2019 (COVID-19) sa mainland Malay.
Angot kara, ro mga trabahador nga magaguwa ag indi eagi makabalik sa sueod it 12 oras sa banwa it malay hay obligadong magpakita it antigen test result.
Ro antigen screening test hay sarang nga ipatigayon sa mga clinics sa nasambit nga banwa nga certified it Municipal Health Office.
Ro sin-o man nga magiging positibo sa antigen testing hay igapaidaeum sa confirmatory RT-PCR test.
