HEALTH News– Gin anunsyo it World Health Organization ukon WHO nga ro aspartame nga sangka artificial sweetener nga kaeabanan nga ginagamit sa soft drinks hay posibleng carcinogenic sa tawo.
Suno kay Francesco Branca, nutrition and food safety director it WHO nga gusto eamang nanda nga makaangkon it moderation ro paggamit base sa gin-presenta nga findings it daywang reviews it available evidence sa aspartame.
Ginpatigayon it International Agency for Research on Cancer it WHO ro unang ebalwasyon sa carcinogenicity it aspartame sa sangka meeting sa Lyon, France, umpisa June 6 hasta 13.
Ginbutang raya sa kategoryang Group 2B, base sa buyot nga limitadong ebidensya, nga partikular nga nagatumod sa hepatocellular carcinoma– sangka klase it liver cancer.
May una man nga limited-strength evidence angot sa cancer sa experimental animals.
Ro Aspartame hay sangka artificial chemical sweetener nga kaeabanan nga ginagamit sa nagkaeain-eain nga food ag beverage products umpisa 1980s.
Makit-an raya sa diet drinks, chewing gum, gelatin, ice cream, dairy products kapareho it yoghurt, breakfast cereals, toothpaste, cough drops ag chewable vitamins.
Ginpahayag man it International Sweeteners Association nga kaibahan sa Group 2B classification ro kimchi ag iba pang pickled vegetables.
Ko Mayo, ginpahayag it WHO nga ro artificial sweeteners hay ginagamit agud nga bayluhan ro asukar sa maabung produkto apang owa nakakabulig sa pagbawas it timbang ag posibleng magresulta sa serious health effects.
Nagpaguwa man ro UN health agency it sueundanan nga naga-abiso sa paggamit it ginatawag nga non-sugar sweeteners.
