-- ADVERTISEMENT --

POLICE Report — Arestado ro sangka 39-anyos nga eaeaki sa Laoag City, Illocos Norte bangud sa gina-alegar nga sextortion sa anang dating nobya nga sangka online seller.

Ginreklamo it biktima ro eaeaki matapos nga pauman-uman imaw nga ginapilit nga makipagkita ag makipaghieawas kabaylo it indi nana pagpaguwa it mga gina-alegar nga pribadong litrato ag video it biktima.

Nasayuran nga nag-report ro biktima sa kapulisan kun sa siin insigida man nga ginkasa ro entrapment operation.

-- ADVERTISEMENT --

Antes ro pagdakop hay nakipagkita ro biktima ag nag-check in sanda sa sangka hotel.

Kat magtau eon it senyales ro biktima hay insigidang ginsueod it mga pulis ro kuwarto ag naaktuhan pang naka-uba ro suspek sa kama.

Nagapangatubang ro suspek sa reklamong Grave Coercion in relation to RA10175 (Cybercrime Prevention Act) ag pageabag sa RA 9995 ukon Anti-Photo and Video Voyeurism Act of 2009.