Inde magpataas it pamasahe sa mga pampublikong saeakyan ro transport group nga Manibela.
Raya hay maskin nga nagtaas pa ro presyo it langis umpisa makaron nga adlaw it Martes.
Suno kay Bacod Manibela President Rudy Catedral, nabatyagan man nanda ro kalisod it mga commuters rason nga inde nanda pag-ipapas-an sa mga raya ro dugang nga presyo it langis bangud sa nakasayod sanda nga makaangkon raya it domino effect sa mga nagapangunang baeak-eon sa merkado.
Sa baylo, nag-apela sanda sa Land Transportation and Franchising Regulatory Board ukon LTFRB it madalian nga pagrelease it fuel subsidy agud nga magamit it mga operators and drivers sa andang pang-adlaw-adlaw nga operasyon nga inde maparalisa ro sektor it transportasyon.
Mag-eowas kara, magapangayo man sigon sanda it dugang nga ayuda sa lokal nga gobyerno sa maskin anu nga porma agud nga makabulig man sa andang kalisod sa pang-adlaw-adlaw nga pagpamasada.
Nasayuran nga ro sektor it transportasyon ro nagapangunang apektado it gulpihang ag mabahuean nga pagtaas it presyo it langis nga tuga it nagapadayon nga kinagamo sa Middle East.
