Nagbaskog pa ro tropical depression Liwayway nga ulihing nasip-eatan sa kaeayuon nga 450 kilometers East it Daet, Camarines Norte ukon 325 East Northeast it Virac, Catanduanes.
Daea it bagyo ro kabaskog it hangin nga naga-abot sa 55 kilometers kada oras maeapit sa sentro ag pagbugsong naga-abot sa 70 kilometers kada oras.
Nagahueag ro bagyo sa kadasigon nga 25 kilometers kada oras sa direksyong North Northwest.
Sa weather forecast it PAGASA makaron nga adlaw, ro bagyong Liwayway hay magahatud it mahina hasta katamtaman ag kun amat hay mabaskog nga buhos it uean sa Bicol Region, Visayas, Northern Mindanao ag Caraga.
Samtang bangud man sa Habagat, mahina hasta sa katamtaman ag kun amat hay mabaskog nga buhos it uean man ro maexperiensiyahan sa Zambales, Bataan, Occidental Mindoro, ag Palawan.
Owa man ginaeauman nga magatama sa kaeugtaan ro bagyo ag magaguwa raya it nasyon sa September 7.
Apang sa masunod nga 24 oras hay magabaskog pa raya ag magiging eubus nga tropical storm.
