POLICE Report — Sangka manugturo ro namatay matapos nga gina-alegar nga naeumos ag nasapwan nga naga-eutaw-eutaw sa suba sa Dasmarinas City, Cavite.
Ginkilaea ro biktimang si Julian Dante, 42, may-asawa, teacher it Emilio Aguinaldo College (EAC) ag presenteng naga-istar sa Brgy. San Lorenzo Ruiz, it nasambit nga siyudad.
Base sa panaysayon it asawa, ulihi kara nga nakita ro biktima nga nagatikang sa kilid it karsada maeapit sa suba sa Barangay Emmanuel Bergado 2, it nasambit nga lugar apang umpisa kato hay owa eon raya naka-uli sa andang baeay.
Nasayuran nga bandang alas-6:30 it agahon kat nakita it pilang residente sa lugar ro bangkay kara nga naga-eutaw sa suba.
Nagapatigayon pa it imbestigasyon ro kapulisan kun pagka-eumos ro rason it pagkamatay it biktima.
