Opisyal eon nga nagpanumpa si Davao City Mayor Sebastian “Baste” Duterte bilang bag-ong presidente it Partido Demokratiko Pilipino (PDP) sa ginpatigayon nga National Council Meeting it partido, adlaw it Dominggo, Abril 12, 2026.
Ro pagkataeana kana hay nagasimbolo sigon it mabahoe nga pagbag-o sa pamunuan it partido samtang ginapalig-on kara ro direksiyong pampulitika ag istruktura it organisasyon sa mga masunod nga dag-on.
Sa nasambit nga pueong, uman nga ginpalig-on it mga lider it partido ro andang pagtibyog ag dedikasyon sa pagpanerbisyo sa publiko.
Ginpahayag mat-a it PDP ro andang kumpiyansa nga sa pagdumaea ni Duterte hay maipadayon ro adbokasiya it inclusive development ag responsableng pagdumaea para sa nasyon.
Madumduman nga ro posisyon hay dati eon man nga ginbuytan ni Sen. Robin Padilla.
