Tanan hay may kinamatarong ag uwa it bisan sin-o ukon bisan ro panguoe it nasyon hay indi pwede magbaeabag sa mga tawhanon nga kinamatarong it sangka indibidwal, suno raya sa batikan nga abogado nga ai Atty. Harry Sucgamg.
Paathag nana nga ro mga basic human rights hay kapareho it kinamatarong nga mabuhi, mag-angkon it propiedad, kahilwayan ag maabong iba pa.
Dugang pa ni Atty. Harry nga ro pagkilaea ag paggamit ku atong kinamatarong hay common sense eamang ngani nga kung sayod sigon it indibidwal nga ginapigos ro anang kinamatarong hay kinahang-ean nga anang ipakigsukoe ukon depensahan.
Pahayag ni Atty. Harry nga may mga panahon sigon nga nalilimitahan ro pagpakita it kinamatarong ku indibidwal bangud sa kahadlok man nga ginabatyag ag mas nagakatabo raya ukon naeeksperyensyahan ku mga katapo it media.
Sa pihak nga bahin man, ro United Nations (UN) ukon ro layi it organisasyon nga nasambit hay i-adapt man sigon it mga miyembro nga nasyon ag ro International Criminal Court (ICC) hay naga-remind ag nagabulig sa mga nasyon nga nagakinahang-ean it bulig pag-abot sa pagpatigayon ku andang sistema it hustisya eabi eun kung ginaabuso ro kinamatarong it mga pumueuyo.
Paathag man ni Atty. Harry nga ro sangka akusado hay kinahang-ean man sa gihapon magpaidaeom sa proseso bilang parte ku anang kinamatarong.
Mensahe ni Atty. Sucgang nga ro pagrespeto sa kinamatarong it sangaka tawo hay kinahang-ean nga himuon.
