Opisyal eon nga ginpakilaea ro mga 21 nga mga kandidata para sa Bb. Kalibo Ati-atihan 2023.
Personal man nga nag-adto sa banwa it Kalibo si Director Raymond Villanueva, Board Member it Binibining Pilipinas Executuve Committee para igapatigayon ro screening para sa mga kandidata ko Oktubre 15, 2022.
Ginpahayag ni Carla Suñer, executive assistant 1 it office of the Mayor nga kapin sa 27-anyos eon nga nagatrabaho sa beauty pageants industry ro nasambit nga director ag mabahoe ro andang pagpasaeamat sa personal karang pagpatigayon it screening.
Kung siin maghalin sa kabilugang numero it mga 32 hopeful candidates hay 21 kara du napilian sandig sa gintao nga ranko it mga panelist.
Nag-umpisa eon man sigon ro pag-ensayo it mga kandidata ag pag-atendir it mga serye it seminars angot sa kasaysayan it Kalibo Ati-atihan festival.
Raya hay bilang sanda ro mga magarepresentar sa publiko engkaso nga maga-intra sanda mga national pageants.
Samtang, pagahiwaton man ro nasambit nga pageant sa JAnuary 10, 2023 bilang kaparte it Kalibo Ati-atihan festival 2023
