HEALTH News–Ro lemon ag calamansi hay bugana sa vitamin C ag fiber nga manami sa panit, mata ag tagipusuon.
Sangka anti-oxidant ro Vitamin C nga nagatau it proteksyon sa selula.
Posible nga makabulig man raya sa mga may sip-on, eagnat, ag problema sa gilagid.
Ro mga citrus fruits, kapareho it lemon, dalandan, orange ag calamansi hay bugana sa Vitamin C nga kinahangean agud nga ma-absorb it eawas ro iron ag indi maging anemic.
Bukon pa it sigurado apang ginasugid nga nakakabulig sa pagpaniwang ro lemon bangud nga ginabawasan kara ro gana nga magkaon.
Kon naga-inom ka it lemon water hay mas busog ka.
Rason nga sangkiri eon lang ro makaon.
Bangud nga naga-inom ka it mas maabu nga tubi, makabulig raya agud nga indi ma-dehydrate ag magkulubot ro panit.
Makalikaw man sa pagbilog it kidney stones.
Magdahan eang bangud nga kon maisog ro pagka-obra it lemon water, puwedeng makapaeain raya sa may ulcer ag makasamad it ngipon.
Dapat nga ro pagtimpla hay sangka lemon sa sang litro nga tubi.
