Mas pa nga ginpaeapad ro implementasyon it ‘Benteng Bigas, Meron Na!’ Rice Project sa probinsiya it Aklan agud nga masiguro ro seguridad sa pagkaon.
Suno kay Engr. Alexys Apolonio it Office of the Provincial Agriculturist ukon OPA-Aklan nga ginapa-agi eon nanda sa mga local government units ro pagbaligya it P20 per kilo nga bugas agud nga maeumo nga maabot ro nagkaeain-eain nga priority sectors kapareho it mga senior citizens, solo parents, persons with disabilities, 4Ps beneficiaries, mga pigado nga pamilya, mga minimum wage earners, mga miyembro it transport groups, mga manugturo ag mga mangunguma.
Dugang pa nga pwede eon sa makaron nga mag-request ro mga LGUs sa National Food Authority ukon NFA it mga stock it bugas nga pwedeng maibaligya sa barato nga presyo sa andang mga constituents sa idaeum it nasamnbit nga programa.
