KALIBO, Aklan—Masako eon ro Bureau of Fire Protection (BFP)-Aklan sa pagpahaum sa andang nakalinyadang mga aktibidad kadungan it pag-umpisa it Fire Prevention Month, hin-aga nga adlaw it Miyerkules, Marso 1.
Sa agahon, may pagahiwaton sanda nga tumaeagsahon nga programa nga ginatawag nga “Bumbero, Friends and Pets safety advocacy walk” ag pagkatapos hay pagasundan it motorcade it tagsa-tagsa ka mga BFP stations.
Angot kara, nagpanawagan si FCINS Rowell Limjuco, Provincial Fire Marshal sa mga pumueoyo nga ugalion ro paghaeong sa kaugalingon ag mga propiedad sa tanan nga kahigayunan agud nga makalikaw sa sunog.
Dapat sigon nga taw-an natun it kabuhi ro mga ginaplastar nga fire safety tips it mga bumbero nga posibleng magamit sa oras it emerhensiya.
Ginpaathag man kara nga nagapatigayun sanda it dag-unan nga fire safety inspection sa mga establisyemento kamana man nga may una sanda nga programa sa mga kabarangayan partikular ro ‘Oplan Ligtas Na Pamayanan’.
Samtang, umpisa ko buean it Enero ro taeatapan hay nakalista eamang it pitong insidente it mga maisot nga sunog ag owa it casualty.
