KALIBO, Aklan — Nag-umpisa eon nga mag-inspeksyon sa mga baealigyaan it paeupok sa banwa it Kalibo ro mga tawuhan it Bureau of Fire Protection bilang pagpahaum sa selebrasyon it Bag-ong Dag-on .
Suno kay F/Senior Inspector Macario Montaña Jr., Municipal Fire Marshal it BFP-Kalibo nga kaibahan sa andang gina-inspeksyon hay ro nagkaeain-eain nga klase it paeupok nga ginabaligya ag kon may mga bawae ukon illegal nga paeupok.
Kapareho ko nagtaliwan nga dag-on, ro gintaeana nga lugar kun sa siin pwedeng magbaligya it paeupok hay sa may Kalibo Chinese Cemetery sa Jaime Cardinal Sin Avenue ag hugut nga ginabawae ro pag testing it mga raya sa mismong pwesto.
Gina-usisa man sigon nanda ro kada pwesto kon may fire fighting equipment kapareho it fire extinguisher ag iba pa.
Samtang, kapin sa 22 ro numero it mga retailers it paeupok nga naka-apply it permit sa andang taeatapan kun sa siin ginapasugtan sanda nga magbaligya umpisa Disyembre 27 hasta 31 .
