KALIBO, Aklan–Magapatigayon it mass casualty incident demonstration ro Bureau of Fire Protection makaron nga adlaw it Biyernes bandang alas-10:00 it agahon.
Raya hay may kaangtanan sa selebrasyon it National Disaster Resilience Month.
May kaangtanan kara, ginpahayag ni SFO1 Paulo Neptuno it BFP Kalibo nga ro nasambit nga aktibidad hay pagapasakupan it nagkaeain-eain nga emergency response department kaparehas it provincial ag municipal disaster risk reduction management office, philipppine national police ukon PNP ag barangay poblacion responders.
Tuyo kara nga ipakita sa komunidad kon paano magresponde sa oras it emerhensiya ukon raya ro ginatawag nga inter agency approach pag-abot sa emergency response.
Ginklaro ni Neptuno nga scripted ro demonstration apang seryoso nanda raya nga pagahimuon.
Suno pa kay Neptuno, obligado ro mga trained responders nga magresponde sa mga emerhensiya partikular kon may ginaekspektar nga mass casualties kaparehas it expolosion, earthquakes ag maabong iba pa.
