Nagpatigayon it sang minuto nga katawhayan ro bilog nga Britanya para magtao it simpatiya sa pagkamatay ni Queen Elizabeth II ag ginbagting man ro pinakamaeagko nga lingganay sa nasambit nga lugar.
Suno kay Bombo International Correspondent Ramil Isogon it United Kingdom nga masako eon sa makaron ro preparasyon para sa nagahilapit nga paghatod sa ulihing paeahuwayan kay Queen Elizabeth II.
Hugot man nga seguridad ro igapatuman it mga otoridad it Great Britain bangud sa mga bisitang magatambong sa state funeral it reyna kung siin kapin sa 6,000 ro nakastandby nga katapo it airforces para pagabantayan ro peace and order it nasambit nga lugar.
Nag-eabutan eon man ro mga nagakaeain-eain nga world leaders sa Westminster Hall kapareho eon lang ni US President Joe Biden kaibahan ro ana karang asawa.
Samtang, tanan man nga senihan hay pagabuksan makaron nga adlaw para sa publiko para masaksihan ro state funeral ni Queen Elizabeth.
Sa pihak nga parte igahalin man sa Windsor Castle maghalin sa Westminster Hall ro bangkay it reyna para sa para sa mas maintok nga service nga pagatambongan it 800 katawo.
