KALIBO, AKLAN — Masadyang ginpakigbahin sa Bombo Radyo it sangka Aklanon ro pagkapili kana bilang kauna-unahang certified Hiligaynon interpreter sa Estados Unidos.
Suno kay Mrs. Rhodora Masongsong-Dekraker, tumandok it Banga, Aklan ag nakapangasawa it sangka American national nga nakabase sa Nevada, USA nga imaw eamang ro nakapasa sa iba pang mga Pinoy nga nag-apply.
Naging bala sigon kara ro pagiging bihasa sa paghambae it Akeanon, Hiligaynon, Kinaray-a ag Cebuano bangud sa eksperyensya sa anang trabaho kato sa nasyon bilang telephone operator it sangka shipping company.
Umpisa makaron nga adlaw hay nag-umpisa eon sigon ro anang limang adlaw nga training sa Alexandria, Virginia kon sa siin libre ro anang airfare, hotel ag allowance.
Nasayuran nga si Dekraker hay naging Bombo correspondent sa ginpatigayong eleksyon sa Amerika ko 2016.
