KALIBO, Aklan — Eowas nga paligsan ro baybayon it Isla it Boracay.
Suno kay Boracay Inter-Agency Rehabilitation Management Group (BIARMG) General Manager Martin Jose Despi, regular sanda nga nagapatigayon it quality testing sa mga strategic stations sa bilog nga isla ag nagapabilin nga manaba ro fecal coliform level kara.
Gindugang pa nga kapin sa 8 most probable number (mpn) per 100ml ro fecal coliform level sa front beach ko buean it Enero, 2022 ag 11mpn/100 ml ko nagtaliwan nga buean.
Ro pagklaru ni Despi hay kasunod it malisyosong artikulo ag litrato angot sa uman nga pagtuhaw it eumot sa baybayon it Boracay nga gina-piyestahan makaron sa social media.
Ro eumot sa baybayon nga kaeabanan nga nagatuhaw kada summer season hay makabig eon nga natural phenomenon.
