Gindagsa it mga turista makaron nga Black Saturday ro Isla it Boracay.
Kaabuan sa mga bisita hay nagpaligos eagi sa beach samtang ro iba hay gin-enjoy ro pag-sun bathing ag pagtikang sa mapino ag maputi nga baeas.
Nauna eon nga ginpahayag it Malay Tourism Office nga haeos fully-booked ro tanan nga mga hotels ag resorts sa isla makaron nga Semana Santa.
Mapa-unga ag magueang hay naga-enjoy sa grabeng init it adlaw kamana man sa maeamig ag malimpyo nga tubi sa beach rason nga haeos owa naila nga magtakas sa pagpaligos.
Samtang, owa it untat ro pagpatrolya it kapulisan ag iba pang natungdan nga ahensiya it gobyerno agud nga mabantayan it husto ro pagsunod sa health protocols sa beach.
Madumduman nga nakaugalian eon it mga tawo ro pagpaligos sa dagat kada Semana Santa, eabi eon sa Sabdo de Gloria.
