KALIBO, Aklan—Haom eun nga magbatun it mga turista ro isla it Boracay.
Raya hay matapos nga i-anunsiyo it National Inter-Agency Task Force nga ipanaba eun ro quarantine classification it probinsiya it Aklan maghalin sa Modified Enhanced Community Quarantine paadto sa General Community Quarantine umpisa Setyembre 8 hasta 30 it presenteng dag-on.
May kaangtanan kara, ginpaabot man ni Malay Mayor Frolibar Bautista ro pagpasaeamat ag kalipay nga nabatyaga it lokal nga gobyerno bangud mabahoe sigon ro maibulig kara sa publiko.
Naging epektibo man sigon ro pagpatuman it MECQ agud nga makontrol ro mga nailistang kaso it Coronavirus Disease ukon COVID-19.
Sa pihak kara aminado man si Bautista nga eubos eun nga naapektuhan ro ginakabig nga tourist top destination umpisa nga nag-eupok ro pandemya.
Sa makarun hay nagapabilin sigon nga sambilog sa mga requirements ro negatibong resulta it RT-PCR test para sa mga turistang gustong magsueod sa isla maghalin sa ibang probinsiya.
