KALIBO, Aklan—Naka-alerto eon ro Provincial Health Office ukon PHO-aklan sa posibleng pagsueod it Omnicron Covid-19 variant sa probinsiya eabi eon sa isla it Boracay.
Suno kay Dr. Cornelio Cuachon it PHO-Aklan nga padayun nanda nga ginabantayan nga owa it sin-o man nga turista nga positibo sa deadly virus ro makasueod sa isla.
Kaibahan sa mga tikang hay ro mas hugut nga monitoring sa requirements it mga turista kapareho it vaccination cards, quick response ukon QR codes, confirmed hotel bookings ag negatibong resulta it RT-PCR tests para sa mga turista nga owa pa nabakunahan.
Bangud sa paeag it omicron variant, temporaryong ginsuspinde it probinsiya ro pagbaton it mga dumueuong nga turista.
Raya hay kasunod it pagpahaum nga ginpatigayon bangud sa anunsyo it department of tourism nga pagabuksan eon ro Pilipinas sa international tourists umpisa ko Disyembre 1.
Nauna eon nga napabalita nga may tatlong turista nga may travel history sa Africa ro nakasueod sa Negros Occidental ag sa mayad nga swerte hay nag negatibo sa deadly virus.
