KALIBO, Aklan—- Ginatantyang kapin sa P25.27 bilyon ro pagakinahang-eanong pondo it Boracay Inter-Agency Task Force agud nga maipatuman ro Medium-Term Boracay Action Plan nga ginakaeakipan it mga tikang kon paano mapangalagaan ro palibot sa tunga it sustainable tourism.
Suno sa National Economic and Development Authority (NEDA), kaibahan sa plano ro pagpatuman it laye ag regulasyon; pag-kontrol ag paglimita sa polusyon; rehabilitasyon ag pagbawi sa ecosystem; ag pagpabilin it mga aktibidad sa isla.
Magabuhay ro BAP hasta it 2022 sa oras nga maaprubahan ni Pangueong Rodrigo Duterte.
Suno sa NEDA, sabat it pribadong sektor ro P15.89 billion ukon 62.9% it kabilugang gastos, kon siin ro P16.21 billion hay nakataeana para sa infrastructure.
Nauna kara, ginpahayag ni Department of Environment and Natural Resources (DENR) Secretary Roy Cimatu nga ro rehabilitasyon sa Boracay ro sentro it andang 2018 accomplishments.
