Mahimo nga magbuhay it daywang hasta tatlong buean ro pagsaaayos it BRP Teresa Magbanua (MRRV-9701) bangud sa kasamaran nga daea it mga barko it China samtang ginabantayan ro Escoda Shoal.
Presenteng nakadaong ro barko sa Danao, Cebu matapos magbalik halin Escoda Shoal para sa pagsaayos.
Ro kasamaran hay matapos hungdon it mga sakayang pangkaeawran it China Coast Guard ag it Chinese maritime militia nga bungguan ro barko it PCG samtang raya hay nagapatrolya sa ginapag-agawan nga tubi sa West Philippine Sea.
Suno sa PCG, indi maggastos ro gobyerno ng pondo para sa pagsaayos it Japanese-made Magbanua.
Nagapaidaeom man sa pagsaayos sa Cebu ro daywang maisot nga Coast Guard patrol vessels, ro BRP Bagacay ag BRP Cape Engaño nga hasamad man it mga barko it China sa Escoda Shoal ku Agosto 19.
