Ginpatawag ni US President Joe Biden sa White House ro K-pop stars nga BTS sa masunod nga dominggo.
Suno sa White House ro nasambit nga pagbisita it grupo hay kaparte it serye it pagselebrar it Asian-Americans relations.
Kaibahan man kara ro pagtalakay sa pagkondina sa mga nag-eontad nga racial discrimination.
Nagtaas sigon ro anti-Asian sentiments ag violence kasunod it pagpanaeasa it COVID-19 pandemic.
Pagatigayunon ro pagkita it US President ag ro grupo sa paeaabuton nga Mayo 31.
Samtang, umpisa sigon nga magpungko sa puwesto si Biden ku nagtaliwan nga 2020 hay padayon ro anang koneksiyon sa bata nga celebrities ag social media influencers.
Pila sa mga naka-itorya eon ni Biden hay si Filipino-American pop singer Olivia Rodrigo ag ro grupong Jonas Brothers kung sii ro mga nagpromote it COVID-19 vaccinations.
