KALIBO, Aklan — Nadugangan ro atraksyon sa Tigayon Hill sa banwa it Kalibo pinaagi sa ginbutang nga bag-ong viewing deck ag binocular.
Ro nasambit nga viewing deck hay ginbuksan sa publiko ko Marso 14 kadungan ro operasyon it tourist information center .
Raya hay ginpahaum it Municipal Tourism Office it LGU-Kalibo agud nga mas pa nga ma-enjoy it mga nagapamasyar ag nagapatigayon it Visita Iglesia ro pagsaka sa Bukid Tigayon .
Coin operated ukon ginahueugan it sinsilyo nga bag-ong P5 coin ro binocular agud nga magamit sa sueod it tatlong minuto.
Base sa Municipal Ordinance No. 2016-002, P50 ro entrance fee sa mga turista ag Aklanon , apang may discount para sa mga estudyante, senior citizens ag PWDs nga may bayad nga P30.
Raya hay libre sa mga unga nga naga-edad it pitong dag-on panaba ag mga residente it nasambit nga barangay.
Kaeabanan nga ginadayo ro Bukid Tigayon kada Kuwaresma partikular sa mga gustong magpamaeandong ag nagapatigayon it Station of the Cross nga kon sa siin hay may chapel sa alipunto kara.
Pila pa sa mga atrasyon sa Tigayon Hill hay ro mini museum.
Samtang, hugut nga ginabawae ro bandalismo, pagkalhit it basura, pagbitbit it aeak ag paghimo it kabastusan sa lugar .
Ro Bukid Tigayon hay bukas umpisa alas-6:00 it agahon hasta alas 8:00 it gabi-i.
