KALIBO, Aklan — Mabahoe ro pagpati it Philippine Coast Guard (PCG)-Romblon nga sangka drone eamang ro nakitang bumagsak sa eawod nga nasae-an nga sangka eroplano it mga residente it Brgy. Binonga-an, San Agustin, Romblon.
Hasta kahapon hay nag-negatibo ro gin patigayun nga operasyon it mga miyembro it PCG ag Municipal Disaster Risk Reduction and Management Office sa kaeawuran nga sakop it Brgy. Agbayi ag Brgy. Binonga-an sa pag inusoy sa debris it gina sugid nga bumagsak nga eroplano ukon posibleng mga survivors ku Lunes.
Suno sa PCG-Romblon, inabisuhan sanda it Civil Aviation Authority of the Philippines (CAAP) ag Philippine Air Force nga kompleto ro tanan nga eroplano ag owa it napabalitang may bumagsak nga eroplano sa bug-os nga nasyun.
Hasta kabie hay owa pa it kapamilya ro nagpadueong sa mga pulis sa Romblon agud i-report ro insidente.
