Mabaton it babaye nga nagguwa halin sa sangka kanae sa Makati City ro P80,000 nga balor it livelihood assistance “in tranches.”
Raya ro ginpahayag ni Department of Social Welfare and Development (DSWD) Secretary Rex Gatchalian.
Suno kana nga ro pagtau it nasambit nga bulig sa babaye nga nakilaea kay alyas “Rose” hay may kondisyon.
Owa raya ginatau it sang bulto, kun sa siin may nagakaigo raya nga supervision ag monitoring it social workers.
“May home visits para macheck kung gumaganda na unti-unti ‘yung buhay ni Rose. Gusto kong i-point out na lahat tinutulungan, hindi special case si Rose,” pahayag ni Sec. Gatchalian.
Ginpahayag ni Gatchalian nga gintaw-an si Rose it kinahangeanon nga bulig base sa direktiba ni Pangueong Ferdinand R. Marcos Jr. nga siguraduhon nga mataw-an ro families and individuals in street situations (FISS) it nagakaigo nga interbensyon ag bulig.
Nauna eon nga ginpahayag it DSWD nga nagapangolekta it basura si Rose kat nahueog eamang sa kanae ro anang maisot nga blade cutter rason nga ginbo-oe nana raya.
Nagakita si Rose it kapin sa P300 kada adlaw samtang ro anang live-in partner hay sangka barker.
