INTERNATIONAL News — Matapos nga maka-eksperyensiya it grabeng wildfire ko nagtaliwan nga buean, gindaeasa man it grabeng pagbaha ag mudslide ro pilang lugar sa Southern California.
Umpisa Huwebes, Pebrero 13, hay bumuhos eon ro grabeng uean sa mabahoe nga parte it rehiyon, ag nagtuga it pagbaha ag mudflows sa Pacific Palisades, Altadena ag Pasadena.
Base sa record rainfall sa downtown Los Angeles, raya hay kapin sa 2.8 inches, ukon mas mataas sa record nga 2.71 inches ko 1954.
Nag-isyu it waea-tuo nga flash flood warnings ro National Weather Service sa Los Angeles County, kaibahan ro Eaton, Palisades, Franklin ag Bridge fire burn areas.
Ginpahayag it NWS, ro kaabuon it uean nga nailista sap ilang lugar hay bastante eon para magtuga it pagbaha ag pag-agos it mga debris.
Samtang, dugang pa it NWS forecasters nga sa pag-isyu it flash flood warnings, may una nga mataas nga peligro it life-threatening debris flow.
Sakop it flood warnings ro mga lugar it Malibu, Topanga State Park, Pacific Palisades, Brentwood, Topanga Canyon Road pinaagi sa Santa Monica Mountains ag Mandeville Canyon, Malibu Canyon ag Las Virgenes roads pinaagi sa Santa Monica Mountains, Mount Wilson, Pasadena, Altadena, Sierra Madre, Arcadia, Monrovia, Chatsworth, Northridge, Woodland Hills, Encino, Van Nuys, Santa Clarita, North Hollywood, Beverly Hills, Santa Monica, Universal City, Burbank, Hollywood, Venice, Culver City at Griffith Park.
