NATIONAL News — Nag-umpisa eon makaron nga adlaw, Marso 28 ro 45 diyas nga campaign period para sa local candidates.
Bangud kara, nagpadumdum si Commission on Elections (Comelec) Chairperson George Erwin Garcia sa mga kandidato nga magsunod sa mga sueundanan nga gintaeana it poll body para sa malinong ag madinaeag-on nga pagpatigayon it midterm elections.
Base sa Comelec Resolution No. 11086, kun sa siin nakabaehag ro mga sueundanan para sa Republic Act No. 9006 ukon ro Fair Elections Act, ro campaign period para sa local positions hay maga-umpisa makaron nga adlaw hasta sa Mayo 10, 2025.
Ro mga kandidato hay bawae nga magpangampanya sa Abril 17 sa Huwebes Santo, sa Abril 18 sa Byernes Santo, sa Mayo 11 sa bespiras it eleksyon ag sa Mayo 12 sa adlaw mismo it eleksyon.
Suno kay Garcia, magapatuman ro Comelec it mas instrikto nga sueundanan kontra sa election campaign materials nga owa nagasunod sa limitasyon sa size ukon nakabutang sa bukon it otorisado nga public spaces.
