Gin-ako ni Cavite 4th District Representative Kiko Barzaga nga sa pihak nga owa imaw makaron it karelasyon, aktibo imaw nga nakikipag-date it daywa hasta tatlong beses sa sang domingo.
Sa interview ni Boy Abunda, ginpahayag it batang kongresista nga masako imaw sa trabaho rason nga owa anay nana ginaseryoso ro pagsueod sa sangka relasyon.
Apang, suno sa kana, bukas imaw sa casual dating.
Ginpaambit man ni Barzaga nga mas maabu ro naga-message kana online, kaeabanan hay halin sa LGBTQ+ community.
Ginklaro man nana nga straight imaw ag owa naga-intra sa pakikipag-relasyon sa kapareho nga mga eaeaki.
Gin-ako man ni Barzaga ro sangka istorya nga nakipag-date imaw sa sangka transgender woman nga ko una hay owa eagi nana nahalata nga trans.
Pahayag pa kara, owa it natabu sa tunga nanda ag nasayuran eamang nana sa sambilog sa anang amiga nga babaye.
