KALIBO, Aklan–Syento porsiyento eon nga haum ro Cebu City para sa pormal nga pagbukas it 64th Palarong Pambansa 2024 makaron nga adlaw it Martes Hulyo 9 hasta 16.
Suno kay Jovie Ote, coach sa athletics nga haeos tanan nga mga delegado hay naka-abot eon ag nakaplastar eon ro tanan partikular ro mga playing venues, sports equipment, billeting areas ag Cebu City sports complex kun sa siin pagahiwaton ro opening ceremony sa Hulyo 9 alas-5 it hapon.
Ginpahayag dugang nga owa man sanda it nakikita nga mabahoe nga problema nga posibleng makaapekto sa Palarong Pambansa nga ginadumaeahan it Department of Education.
Sa pihak nga parte, ginpahayag pa ni Ote nga maayos nga nakaabot ro delegasyon it Western Visayas sa Cebu City.
Unang nagbiyahe suno kana ro mga student athletes ag nagsunod sanda nga mga trainers .
Kumpiyansa man imaw nga makahakot it mga medalya ro delegasyon it region 6 sa patag it athletics bangud sa maid-id nga mga training nga ginpatigayon.
