-- ADVERTISEMENT --
KALIBO, Aklan — Ginmultahan it Municipal Auxiliary Police (MAP) ro mag-asawang Chinese matapos nga ginpa-ihi ro menor de edad nga unga nga eaeaki sa kilid it puno it niyog sa frontbeach sa isla it Boracay.
Gindaea sa Malay Police Station matapos isyuhan it citation tickets sanday Chao Rong Tang, 46, ag Yhu Xiao, 44, parehong taga-China ag nagabakasyon eamang sa isla bangud sa pag-eabag sa ginapatuman nga ordinansa.
Sa pihak nga parte, sangka Chinese pa ro nasita matapos magpilak it plastic ag bote sa white beach sa Barangay Manocmanoc sa isla.
Matapos magbayad it multa ro dumueuong nga si Kian Tan, insigida raya nga ginpahilway it mga otoridad.
Nasayuran nga ro mga Chinese ro top violator sa mga ordinansang ginapatuman sa Boracay.
-- ADVERTISEMENT --
