Nagpaandam ro Commission on Human Rights (CHR) sa publiko nga likawan ro pag-post it litrato it mga inunga sa social media, tuga it naga-taas nga kaso it Online Sexual Abuse and Exploitation of Children (OSAEC) sa nasyon.
Suno kay CHR Commissioner for Child Rights Atty. Beda Epres, pweding manipulahon it teknolohiya ag artificial intelligence ro mga litratong gina-upload online, kaya gin-laygayan ro mga ginikanan nga protektahan ro privacy it andang mga unga.
Base sa datos it UNICEF, triple ro gin-taas it OSAEC cases halin 1.3 milyon ku 2020 sa masobra 2.7 milyon ku 2023. Kaabuan sa mga suspek hay sariling kapamilya ukon ginikanan it mga biktima.
Ginpamilit ni Epres ro papel it komunidad sa pag-report it kaduda-dudang aktibidad ag nagapanawagan nga tun-an uman ro Anti-OSAEC Law (RA 11930), eabi eon sa reintegration it mga biktima.
Ginpahayag man it CHR nga ro kapobrehan ag maling pagpati angot sa pagpang-abuso ro nagapalala sa problema, nga naga-tuga it matinding psychological trauma sa mga inunga.
