Sangka kompanya sa China ro nakabaton it bashing halin sa mga Chinese netizens matapos magkalhit nga owa raya nagabaton it mga aplikante nga may “malas” nga cell phone number!
Gin report kan-o eamang ro tumaeagsahon nga istorya angot sa sangka owa ginpangaeanan nga education company sa Shenzhen, Guangdong nga gina-alegar nga gina-reject ro mga job application it mga tawong may numerong 5 sa ikalimang digit it andang cell phone number.
Raya hay bangud sa pagpati it tag-ana it kompanya nga raya hay malas.
Maskin nga qualified sa trabaho ag naghalin sa manami nga unibersidad ro job applicant, indi pagabatunon sa kompanya ro job applicant nga may malas nga cell phone number mag-eowas eon lang kun magapasugot raya nga magabaylo it number.
Nag-viral ro angot kara sa mga Chinese social media websites ag maabu ro nangawa sa nasambit nga kakaibang job requirement.
Suno sa astrology ag numerology expert nga si Jimenjun, ro kakaibang hiring condition ngara hay posibleng nakabase sa ancient Chinese divination book nga “I Ching” kun sa siin may teorya nga ro magkasunod nga 5 hay malas.
Dugang pa ni Jimenjun, ro tawo nga may numerong 5 sa ika-limang digit it cell phone number hay may tendency nga indi magsunod sa mga opisyal.
Matapos mag-viral ro angot sa kakaibang job requirement, maabu sa mga netizens ro nag-engganyo nga i-boycott ro kompanya apang maabu man ro naghambae nga pabay-an eon lang raya bangud nga raya hay sangka pribadong kompanya ag kawalan man nanda ro mga mayad ag maaeam nga job applicants nga may numerong 5 sa cell phone number
