KALIBO, Aklan— Nagaabot eon sa 303 ro mga compliant hotels and resorts nga may kabilugang 10,467 rooms ro ginpasugtan it Department of Tourism (DOT) nga pwedeng magbaton it turista ag bakasyunista sa isla it Boracay.
Sa ginpaguwang listahan it DOT, nadugangan it pito ro dating 296 compliant establishment samtang nagahilapit ro Ati-atihan festival sa nasambitang isla nga sambilog sa mga ginabantayang aktibdidad it mga dumueoog makaron nga buean it Enero.
Samtang, ginkalipay it Boracay Inter-agency Task Force ro positibong sabat it mga bussiness operators matapos nga ginbawae ro pagbutang it beach beds ag payong sa beach front bilang kaparte it nagapadayon nga rehabilitation efforts it gobyerno sa sikat nga isla.
Ginaeauman eon sigon nanda ro pagbuhos it mga local ag foreign tourist sa nasambitang isla matapos nga maabo eon ro nagpamatuod nga malimpyo eon ro tubig-dagat ag eowas nga mapaligsan.
Pilang kilaeang blogger ro nagpamatuod ro mga dumueoong nga ginpabugae ro pagbag-o it isla matapos ro pilang bueang rehabilitasyon.
