Cong. Haresco, ginpasiguro nga mataw-an it e-trike ro tanan nga banwa it Aklan

KALIBO, Aklan–Ginpasiguro ni Aklan 2^nd District Congressman Teodorico Haresco nga mataw-an ro tanan nga banwa sa probinsya ag pilang ka mga sektor nga nagakinahang-ean it e-trike.

Raya hay kasunod it ginpatigayun nga pag-award it kongresista it e-trike sa pilang kabanwanan sa Eastern Side makaron nga adlaw it Sabado, Nobyembre 12.

Tuyo sigon kara nga mapadasig ro pagpaabot it bulig sa mga pumueoyo eabi eon sa tyempo it kalamidad.

Mas sigon nga nagbaskog ro anang kagustuhan nga mataw-an ro nasambit nga mga sektor it behikulo matapos ro pagpanaeasa it bagyong Paeng.

Ro kada e-trike suno kana hay nagabalor it P600,000 ag himo it nasyong Japan.

Kamana man nga ro battery kara hay sarang magbuhay it hasta napueong dag-on.