KALIBO, Aklan — Haeos 97 porsiyento eon nga tapos ro ginahimong pagpaeapad sa main road it isla it Boracay nga may habang 4.1 kilometer.
Sa interview it Bombo Radyo, ginpahayag ni Department of Public Works and Highways (DPWH)-Aklan District Engineer Noel Fuentebella nga ginaeaumang matapos ro proyekto makaron nga Disyembre bilang kaparte it rehabilitasyon it isla nga may pondong P490-million.
Suno kay Engr. Fuentebella, may pilang intersection, sidewalk ag drainage eon lang ro kinahang-ean nga tapuson.
Dugang pa kara, pagatapuson it DPWH ro bilog nga proyekto hasta sa dag-on 2020 para sa Build, Build, Build program it administrasyong Duterte.
Nasayuran nga ginbuksan ro circumferential road sa Bulabog area sa Barangay Balabag para sa mga motorista ag mga saeakyan ko Oktubre 26 bilang alternatibong rota paadto it Barangay Yapak ag Mount Luho.
